Sunday, July 13, 2008

اصعب احاسيس الدنيا


اصعب احساس ف الدنيا
لما تحس بظلم وقهر
وانت ياعينى وحيد فى الدنيا

بجد اصعب احساس فى الدنيا احساسك بالظلم
احساسك بالوحدة برغم وجود الناس حواليك
اصعب احساس ممكن انسان يحسة انة ضايع
انة مش قادر يحقق الى هو عايزة
ولا حتى يبقى من حقة حتى الحلم
بجد احاسيس صعبة اوى والاصعب منها..
انك تحس الى حواليك اصلا مش حاسينك
مش فاهمينك ولا قادرين يفهموك ولا يفهموا الى فيك
تحس انك كل حاجة بتتسرب من بين ايديك براحة
تحس انك بتضيع وبتضيع معاك احلامك بكل بساطة
بجد اناحتى مش عارفة ازاى اوقف الظلم دة
او حتى احاول اتناساه واعيش وكانة لم يكن
لانة موجود حواليا فى كل حاجة ..فى كل تصرف
بجد انا فعلا لازم اقولها
انا خلاص تعبت بجد
ومبقاش عندى اى امل فى اى حاجة

6 comments:

Hu-man said...

مدونة رقيقة..وبوست مع انه مغرق في الحزن ولكنه صادق ...اللي حواليك فعلاً مش حاسينك , لكن حسي
إنت بالناس مش مهم دلوقتي حد يحس ببيكي ..حسي بالناس انتي الأول وهاتلاقي في أشخاص بعينهم بيتقربوا منك ويطمنوا عليكي ..المشاعر دي بتنتابنا من وقت لأخر هي دي طبيعة الحياة ..لكن الحل مش فقدان الأمل

هانى علوان said...

انا اول مره ادخل مدونتك وخبطت فى البوست الحزين ده
عموما تقبلى مرورى انا هانى علوان من مدونى طنطا ومضاف عند احمد منتصر

HoBa said...

Hu-man

ميرسى بجد لذوقك
المشكلة انى بحس الناس اوى وبخاف عليهم اكتر بس اوقات كتير بتلاقى رد الفعل معكوس
مش زى مابتتوقع عشان كدة بتتعب من جواك
وعندك حق فقدان الامل مش حل
نورتنى بجد وميرسى لرايك الجميل

هانى علوان

نورت المدونة ياهانى
ومعلش اول مرة تزورنى يكون كل الحزن دة موجود
وقريب هزور مدونتك يابن بلدى

romansy said...

اصعب احساس انك انتى عايشه وحيده
اصعب احساس انك فاكره الى انتى بعيده
دا انتى حياتنا
وامنياتنا

ســـهــــر said...

احساس صعب جدا
بس تقدرى متبقيش وحيدة اخرجى للدنيا قابلى حبايبك واصحابك
وبكرة احلى اكيد

Tadwina said...

مرحباً
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/837

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.

و لكم جزيل الشكر،

فريق عمل تدوينة دوت كوم.
http://www.tadwina.com