!!!

 جرحنى جرح كبير

وحاولت ادارى كتير

وقلت مع الايام

انا هنسى وهبقى تمام

ومش هفكر ف الى فات

وهحاول انسى اسوأ ذكريات

ومر على جرحى سنين

وقلبى لسة حزين

دة جرحنى جرح ميتنسيش

خلانى مش قادرة اعيش

كان كل ذنبى

ان يوم حبيتة من كل قلبى

بفتكر جرحى بتألم

دة خلى قلبى يتعلم

ازاى يجرح ويألم

انا قلبى محتاج تغييير 

محتاج لقلب كبير

يتعلم يحب من جديد

ويعيش على طول سعيد

I'm back

I'm back to my favourtie world

to my blog which i miss it so much

i'm back with a new start ...

اصعب احاسيس الدنيا

اصعب احساس ف الدنيا
لما تحس بظلم وقهر
وانت ياعينى وحيد فى الدنيا

بجد اصعب احساس فى الدنيا احساسك بالظلم
احساسك بالوحدة برغم وجود الناس حواليك
اصعب احساس ممكن انسان يحسة انة ضايع
انة مش قادر يحقق الى هو عايزة
ولا حتى يبقى من حقة حتى الحلم
بجد احاسيس صعبة اوى والاصعب منها..
انك تحس الى حواليك اصلا مش حاسينك
مش فاهمينك ولا قادرين يفهموك ولا يفهموا الى فيك
تحس انك كل حاجة بتتسرب من بين ايديك براحة
تحس انك بتضيع وبتضيع معاك احلامك بكل بساطة
بجد اناحتى مش عارفة ازاى اوقف الظلم دة
او حتى احاول اتناساه واعيش وكانة لم يكن
لانة موجود حواليا فى كل حاجة ..فى كل تصرف
بجد انا فعلا لازم اقولها
انا خلاص تعبت بجد
ومبقاش عندى اى امل فى اى حاجة

Just Being HopeLess

باااااااااااك

هيييييييييييييييييييييييييييييييييييييييييييييييييييييييييه

اخيرا بعد شهر و4 ايام

خلصت امتحانات لاخر مرة ان شاء الله بدون مقاطعة

ببجد كانت فترة مرهقة جدا وصعبة بجد

مذاكرة وشغل بيت وتعب اعصاب دة غير شوية مشاكل بايخة

بجد كانت اصعب امتحانات مريت بيها

11 كتاب فى ترم واحد

لييييييييييييييية

كانو ناسيين اننا ف الجامعة وافتكرو فجاة فقالو يعوضو السنين كلها

الحمدلله ان الفترة دة عدت على خير

مع انى فى شوية حاجات عكيت فيها

بس الى حد ما الحمدلله راضية عن اللى حليته

لان بجد كانت فترة صعبة

ومن بكرة بقى الواحد يبدا يفكر هو ناوى على اية

فاصل ونواصل

بقى لى كتييييييييير
لا بمر على مدونات بحبها
ولا حتى بنزل بوستات مع ان فى حاجات كتير عايز احكى فيها
بس اعمل اية حكم القوى ع الضعيف
وطبعا القوى هو الامتحانات
فيها اية لو ندخل الكلية ونحضر وكل حاجة بس من غير امتحانات
يا سلام ع الروقان:d
والى جانب المذاكرة الاعمال المطبخية والترويق والعك دة كلة
:@ زهققققققققققققققققققققققققققت
امتى ماما تخف بقى وترحمنى شوية:(
بس ع الرغم من كل دة
الا ان الجامعة هتوحشنى اووووووووووووى
هتوحشنى الكتب والمذاكرة
والمشوار الى بيطلع عينى فيه
والدكاترة الى بحبهم واصحابى الى قربت منهم اوى الترم دة
بس مادايم الا وجه الله
فاصل امتحاناتى
ونواصل:d
ادعوووووووووووووووولى

!!!كان يقول

...كان يقول

انا اسيرك ...ليتك تكونين اسيرة عالمى الجنونى

وطلبت منه تعلم اللغة الجنونية

....ولكن

عندما ذهبت الى عالمة الممدود ذو الليالى الخرافية

رأيت كلمات الحزن فى قواميسة

والاشحان تتساقط من أشعاره

والدموع تملأ كل دروبه

فأنا الان اغالب دمع الحزن

امشى فى الارض بحثا عن الامل

احرك فى السماء الغيم

....حتى اصل الى نهاية