Wednesday, March 19, 2008

!!مبتعلمش


بيقولو الجرح بيعلم

وتفوت سنين وانا زى ما انا مبتغيرش

معرفش دة ضعف منى ولاغباء

وارجع فى حق نفسى اغلط بعد مااقول دة غلط وخلاص ميتكررش

مبقتش عارفة الصح فين ولا عارفة الصدق ينفع مع مين

انا اكيد مش ملاك عايش وسط البشر

كلنا بشر بنغلط وبنكذ ب وبنجرح

بس عمرى ماجرحت حد ..ولاحاولت اجى على حد

ولو حصل بيكون غصب عنى ومش بارادتى

باجى على نفسى اوى وللا انى اظلم حد

بس لية مطلوب منى دايما انى انجرح وسكت وحتى عن السبب مسالش

بصراحة تعبت من نفسى الى مبتتغيرش

وعايزة تفضل غبية وساذجة طول الوقت

نفسى تبص حواليها شوية وتشوف ان الجرح بيعلم

بيقسى..بينسى..بيعلم الظلم

!!لكن للاسف مبتتعلمش

5 comments:

صانعة الحرية said...

ندااااااااااااااااء الى الطنطاويين
الراغبين فى المشاركه فى حملة حماية
التوجهه الى مقر جمعية صناع الحياه يوم الاحد الساعه السادسه مساء
العنوان
5 شارع شهاب بجوار طنطا سكان
على الناصيه بتاع الجمعيه فى مغسله اسمها دراى كلين
والناحيه الاخرى فى معرض سيارات مكتوب عليه جما العبد
ادخلوا بقى الشارع ده اللى بين المغسله والمعرض

د.محمد الشافعي said...

ازيك يا تلميذتي العزيزة..شكراً علي مرورك الكريم علي مدونتي..وطمنيني علي ماما الغالية..
د.محمدالشافعي

aya mohamed said...

كلنا مبنتعلمش
بس ولا يهمك يعنى اهو شوية كده وشوية كده
وبجد البلوج ده تحفه عيزاكى تفضلى تكتبى بقى وتمليه اجمل كلام وارق مشاعر
من احلى هوبة فى الدنيا

HoBa said...

د/ محمد
بجد نورت البمدونة بتاعتى
ومدونة حضرتك من اجمل المدونات اللا زروتها لانها بجد مليانة معلومات قيمة
وبمثابة جولة حول العالم
والحمدلله ماما بخير وكويسة

HoBa said...

يويوتى
نورتنيىة ياحبيبة قلبى
وان شاء الله اكمل ومقفلوش تانى
وانتى بقى عايزة اشوف ابداعاتك الى وحشتنى بجد